இன்றைய விஷயம் – 23.04.2007 : தமிழ் சினிமா + “ஒண்ணு இங்க இருக்கு… இன்னொண்ணு எங்கே ?”

தமிழ்த் திரைப்படம் சம்பந்தமான சில கேள்விகளும், அவற்றிற்கான இரண்டு விடைகளில் ஒன்றும் தரப்பட்டுள்ளன. இன்னொரு விடையைக் கண்டுபிடியுங்கள் பார்க்கலாம். விடைக்கான குறிப்பு வார்த்தையும் தரப்பட்டுள்ளது.

1. ரஜினி-குஷ்பு சேர்ந்து நடித்த இரண்டு படங்களில் ஒன்று “அண்ணாமலை”… இன்னொன்று ? (சண்டிராணி)

2. தனுஷ் நடித்து பூபதிபாண்டியன் இயக்கிய இரண்டு படங்களில் ஒன்று “திருவிளையாடல் ஆரம்பம்”… இன்னொன்று ?

3. ரஜினி-விஷ்ணுவர்தன் (கன்னட ஹீரோ) இணைந்து நடித்த படங்களில் ஒன்று “விடுதலை”… இன்னொன்று ? (கடவுளே… !)

4. ஜீவா ஒளிப்பதிவு மட்டும் செய்த இரண்டு “டபுள் ஆக்ஷன்” படங்களில் ஒன்று “இந்தியன்”… இன்னொன்று ? (சிக்லெட்)

5. ரஜினி-சிரஞ்சீவி ஒன்றாக வந்த படங்களில் ஒன்று “ராணுவ வீரன்”… இன்னொன்று ? (அல்லுடு)

6. ஆஸ்கர் பிலிம்ஸ் தயாரிப்பு நிறுவனத்திற்காக நடிகை சதா நடித்த படங்களில் ஒன்று “உன்னாலே உன்னாலே”… இன்னொன்று ?

7. ஷங்கரின் உதவி இயக்குனர் வசந்தபாலன் இயக்கி இதுவரை வெளிவந்துள்ள படங்களில் ஒன்று “வெயில்”… இன்னொன்று ? (கவிதாலயா)

8. நந்திதாதாஸ் தமிழில் இதுவரை நடித்த இரண்டு (3... ? ) படங்களில் ஒன்று “அழகி”… இன்னொன்று ?

9. கார்த்திக்-அஜித் இணைந்து நடித்த படங்களில் ஒன்று “உன்னிடத்தில் என்னைக் கொடுத்தேன்”… இன்னொன்று ?

10. பார்த்திபன் – அஜித் இணைந்து நடித்த படங்களின் ஒன்று “நீ வருவாய் என”… இன்னொன்று ?

நீங்களும் முயற்சிக்கலாமே…

மீண்டும் சந்திப்போம்… + நேசத்துடன்… இரா. அரங்கன்…